Silje Breivik

Skuespiller, Kvinne, 44 år, Oslo
Alt
Engelsk
Fysisk teater
Grotowski
Kostymer
Lydbok
Scenografi
Sunnmørsk
Vestlandsk
Voice
Bio
Silje er vinteren 2020 aktuell i Tunnellen av Pål Øie og Flukten over grensen av Johanne Helgeland. Ho speler også iTo syke søstre og Frosken og vennene hans av Teater Spillebrikkene.
Silje Breivik er 44 år gammal og kjem frå Langevåg utanfor Ålesund. Ho har budd i Oslo dei siste 18 åra. Ho vart utdanna ved Liverpool Institute for Performing Arts 1996-99. Sidan då har ho arbeidd som frilans skodespeler, hovedsakleg med teater, men også ein del TV, film, radio og lydbok.

Ho begynte ved Grusomhetens Teater i 2000 og har gjort fleire produksjonar for dei, mellom anna Fjeldfuglen, Thomasevangeliet og Peer Gynt. Fjeldfuglen har fått internasjonal oppmerksomheit og har blitt spela både i India, Tyskland, Polen, Storbritannia og Frankrike.

Breivik har også gjort fleire produksjonar ved Transiteatret i Bergen, mellom anna Maktens Anatomi og Walk Cat, Walk!
Ho har jobba eit år ved Hordaland Teater i Bergen og ho har vore med på samproduksjonen Saman skal vi leve mellom Sogn og Fjordane Teater og Riksteatret 

Ho har turnert mykje med den kulturelle skulesekken med grupper som Teater Spillebrikkene i produksjonane Frosken og vennene hans, Lydvingens Lydløse Oppdrag, Pokertrynet og Herr Tikk Takk tar Tiden, ved Teater Grimsborken i Kainos sang, hos Petra Produksjoner Fra ei kus dagbok og Hvem kan vel sove da? og i Blendwerk sin produksjon Backfish. Ho har også jobba ved Brageteatret  i produksjonen Broene av Fredrik Hannestad og Brødrene Løvehjerte (regi Atle Knudsen)
Av film og TV seriar har ho vore med på  Tunnellen (Nordisk Film), Flukten over grensen (Maipo), Bølgen (Fantefilm), Anne+Jørgen=Sant (Cinenord Kidstory), Helt Perfekt (Feelgood), Vaffelhjarte (NRK Super), Koselig med peis (Tordenfilm/NRK) og Brigaden (NRK Drama), og ho har vore med i fleire kortfilmar og novellefilmar, mellom anna Ediths glass-slott, Torpedo og Malabar (alle ved Via Film).

Silje Breivik har jobba ved Radioteatret i Knut Gribb, gjort ein dramatisert versjon av Faust for Cappelen Damm, lest fleire lærebøker for Aschehoug og Gyldendal, fleire barnebok-appar for Samlaget, og ho har lest inn fleire romanar (Billie av Anna Gavalda, Mi brilliante venninne, Historia om det nye namnet, Dei som flyktar og dei som blir og Historia om det tapte barnet av Elena Eerrante) og ei novellesamling for Lydbokforlaget.
 
Foto: Kjetil Moslåtten
Video
1
LYD
3
Bilde
12