Kva inneber eit innlesingsoppdrag? Kva må eg kunne/ha/gjere for å bli ein god innleser? Kva kan eg få ut av å vere innlesar? Korleis kan eg ha det godt som innlesar? Dersom du i tankane har sveipa innom eitt eller fleire av desse spørsmåla, er sannsynlegvis dette kurset noko for deg.
Sted Leirbålet, Brenneriveien 5 (2. etasje) 0182 Oslo
Dato 10. 12. og 14. februar.
Tidspunkt
10.02 09:00 – 12:00 3 timers bolk avsluttes med felles lunsj
12.02 09:00 – 13:00 4 timers bolk avsluttes med felles lunsj
14.02 09:00 – 13:00 4 timers bolk avsluttes med felles lunsj
Påmeldingsfrist 8. desember
Språk Norsk
Pris 950,- kroner
Forberedelser Ingen forberedelser i forkant, men deltakerne må ha mulighet til å gjøre noe arbeid/forberedelser mellom kursdagene.
Dette arrangementet er et samarbeid mellom Norsk Skuespillersenter og Skuespiller- og danseralliansen.
NB. Vi følger etisk standard for musikk- og scenekunstinstitusjonene.
Innlesing – frå førebuing til ferdig lydbok
(eller frå (fortvila:) «A(ch)!» til (eksaltert:) «Å(h)!»)
Kva inneber eit innlesingsoppdrag? Kva må eg kunne/ha/gjere for å bli ein god innleser? Kva kan eg få ut av å vere innlesar? Korleis kan eg ha det godt som innlesar? Dersom du i tankane har sveipa innom eitt eller fleire av desse spørsmåla, er sannsynlegvis dette kurset noko for deg.
Å bli ein god lydbokinnlesar handlar mellom anna om å bli kjend med kor intimt formatet er, og finne ut korleis du kan bruke tekstforståinga di og ferdigheitene dine til å formidle tekst levande og truverdig, i eit lite rom, kor ingen ser deg. Me kjem til å gå gjennom litt teori, jobbe praktisk med å analysere tekst på lydbokvis, og prøve å finne fram til den naturlege, lette, engasjerte lydbokforteljarstemma di.
Kurset tar sikte på å gi deg ei kortfatta teoretisk innføring i lydbokfaget, og ein smak av erfaringa du treng for å kunne ta på deg lydbokoppdrag for forlag. I løpet av kurset produserer me nokre leseutdrag til ein høg standard saman, som du kan bruke til å marknadsføre deg sjølv, og som Leirbålet kan bruke til å promotere deg overfor forlaga når me får bøker til casting.
Leirbålet lydproduksjon leverer ei komplett produksjonsteneste for forteljingar på lyd til den norske forlagsverda.
Leirbålet starta opp hausten 2022 med mål om å høgne kvaliteten på norske lydbøker. Det søker me å oppnå gjennom å jobbe systematisk med tekst og formidling innafor eit tydeleg rammeverk i profesjonelle lydstudio, og gjennom å produsere i eit universelt utforma format som legg til rette for ei framtid der alle kan bruke dei same løysingane – uansett om dei er avhengige av hjelpemiddel eller ikkje.
Roald Hellum Madland (f. 1979) har jobba med tekst og formidling i lydbokfaget sidan 2010, under høvesvis Norsk Lyd- og blindeskriftbibliotek, Lydbokforlaget/FABEL og Leirbålet, og har gjennom dette fått gi regi, rettleiing og kurs både på tomannshand og i grupper i ein heil tenåringsalder. Han drassar med seg eit mellomfag i nordisk språk og litteratur frå det som den gong heitte Høgskulen i Stavanger, og ein bachelorius-grad i Sound Arts & Design frå University of the Arts i London.
